SIR's profileSIRPhotosBlogListsMore  |  Tools Help |
|
December 06 2008 小年結最近放了一個小假期，好像很久沒有到space。轉眼又快一年，看來是時候為2008年來一個小結:
(1)離開了香港六次，三次泰國、一次台灣、一次上海和最近的埃及之旅。兩次屬於公務性質，最嘆應該係布吉，最辛苦就係埃及、最好玩應該係上海！打死都唔會再跟團，去完返嚟病到現在還未好，少少攞苦嚟辛！但總算到過非州，完成了我去五大洲的宏願，下次已決定向芬蘭或澳洲的塔斯萬尼亞進發，但其實最想都係試下一大班老友去墾丁滑浪同識女仔，嘩！諗到都想笑，希望成行啦！
(2)工作的投入程度及表現隨著廢柴老闆而逐漸退減，現時已處於無可再低的地部，加上舊部屬一個又一個的調走，實在令我百上加斤！尤幸新同事的表現何其惡劣，比較之下，我仍能處於一個較為有優勢的地位，令我仍有一丁點的生存和利用價值。
(3)老友之間的関係有加冇減，有聯繫的，關係變得更加深層，冇聯絡的，自然會變得更疏離。又係嘅，當這些朋友已找到幸褔和喜愛的落腳點後，自自然然就會投入自己喜愛的空間去盡情享受，只要他們高興就好了。作為一支極具專業精神的牙簽，當然要知道自己的存在意義啦！
(4)家人並無因多了兩個新成員而顯得更親密，可能一個唔係太受歡迎，而另外一個就嚟得太突然啦！但今年最大得著是和老爸一同練習golf，看見他的神速進步，實在不可懷疑運動細胞的的確確是有遺傳的！
(5)財政受到金融海嘯沈重打擊，身家大縮水，貫徹我的個人風格，就是"表面風光，內裏堪苛"！嚴格啲應該係"金玉其外，敗絮其中"!
總括來說，這一年屬於平平個種。沒有大上大落可算是不錯了，希望明年不單自己，連我身邊所有人都可開開心心啦！
Comments (1)
TrackbacksThe trackback URL for this entry is: http://lclau917.spaces.live.com/blog/cns!A1661F5CF479C563!275.trak Weblogs that reference this entry
|
|
|
