Woody Allen 的新作"情迷巴塞羅拿"終於上畫，我亦第一時間同老婆到戲院欣賞。首先，我是不知道它的內容，只知道有我的夢中金毛女神-Scarlett Johansson，她在我心目中的地位等同Brad Pitt 的老婆一樣的神聖和不可侵犯....唔係不可....應該係神聖而又好想侵犯。第二，我繼Match Point之後，的確認為Woody Allen 雖然一把年紀，但對愛情的看法仍然非常潮，沒有半點落後。第三，西班牙是一個我認為既熱情卻又浪漫的城市，外遇或偷食的理想地。最後一個原因，其實我約咗老闆飲嘢，仲有兩個鐘可以用嚟攝時間。

故事內容費事講，因為啲人物關係都幾複雜，但實情故事的大概念，我認為其實都好簡單，就係教你"偷食的藝術"。我嘗試用point form去寫出我對呢套戲的感覺:

（１）兩個對愛情態度不一的好姐妹，其實對男人的喜好咪都係一樣;

（２）再一次證明男人係唔需要靚仔，有啲咁多內涵同少少嘅幽默感就夠做㗎啦;

（３）唔需要負責任嘅短期愛情，既好玩、又剌激，實在係男女合適;

（４）金毛女神呢種女仔可謂世間難尋，不過俾我遇到嘅話，就一定採取一種俾佢更不負責和不欺罕的態度，等佢唔好以為你真係好冧佢咁就掂;

（５）黑髮姐姐由最初的理直氣壯死都唔制，到最後食完的歉疚萬分、後悔不己的過程，充份反映出時下好多已婚人士的心聲並生動地描繪出偷食後恐懼症的各種病徵。

我不知道女人睇完後會有何感覺，但我相信如果唔係開咗個槍嚇醒黑髮姐姐嘅話，睇嚟都會係離婚收場居多吧！